Бидний тухай

Манай компани нь 2012 онд хүнсний үйлдвэрлэл худалдаа, нийтийн хоол үйлдвэрлэл, бизнес менежментийн зөвөлгөө өгөх чиглэлээр байгуулагдсан бөгөөд өнөөдрийг хүртэл тасралтгүй үйл ажиллагаа 12 дахь жилдээ явуулж байна.

Одоогоор манай компани компани "АЛИМАН САР" брэндийн 10 гаруй нэрийн нарийн боов, талх үйлдвэрлэн зах зээлд гаргаад байна. Бүтээгдэхүүний орц найрлагад давс, элсэн чихэр , дээд зэргийн цагаан гурилын орцыг багасгах, хэрэглэхээс аль болох татгалзан эх орны үйлдвэрийн улаан буудайн 1, 2-р гурил, бүхэл үрийн гурил, арвайн гурил мөн амны хужир, бал бурам, цөцгийн тос, үзэм зэрэг эрүүл мэндэд эерэг зохицуулах үйлчилгээтэй түүхий эд хэрэглэхийг хичээн ажиллаж байна. Үүгээрээ дамжуулан манай хамт олон ард түмний  эрүүл, аюулгүй, өдөр тутмын хүнсий хэрэгцээг хангах эрхэм зорилготой ажиллаж байна.

Дээрхи нэрийн бүтээгдэхүүний найрлагад ямар нэг хүнсний нэмэлт /өнгө, амт оруулагч, хадгалах хугацааг уртасгагч зэрэг/ ороогүй, байгалийн цэвэр түүхий эдээр үйлдвэрлэгдсэнээрээ давуу талтай бөгөөд мэргэжлийн хяналтын газрын шинжилгээнд бүрэн хамрагдсан, эрүүл ахуй, ариун цэврийн стандарт үзүүлэлтийг бүрэн хангасан орчинд үйлдвэрлэгддэг.

Мөн компанийн удирдах түвшины хувьд тус салбарт сүүлийн 20 жил тасралтгүй ажилласан туршлагатай, үйлдвэрийн инженер технологч, ур чадвартай мэргэжлийн ажилчдаар эрүүл мэндэд ээлтэй, аюулгүй цэвэр хүнсийг үйлдвэрлэн, шинэхэн амтлаг чанарыг хүргэхээр ажиллаж байна.

Мөн мэргэжлийн байгууллага болон салбар холбоодын зохион байгуулж буй сургалт, семинарт суралцаж, мэдээ мэдээллийг олж авч, хувь хүний хувьд, мэргэжлийн хувьд өсөн дэвжих чинхүү зорилготой хамт олон билээ.